گزشتہ برس ترکی سے غزہ جانے والے بحری قافلے فریدم فلوٹیلا پر اسرائیلی کمانڈوز کے حملے اور اس کے نتیجے میں ترک شہریوں کی ہلاکت کے بعد ترکی اور اسرائیل کے تعلقات میں سخت کشیدگی آگئی تھی جو اب اس حملے کے حوالے سے اقوام متحدہ کی تحقیقاتی رپورٹ سامنے آنے کے بعدخاتمے کے قریب ہیں۔ اسرائیل نے اس حملے پر افسوس کا اظہار کیا تھا لیکن ترک حکومت اس سے مطمئن نہیں تھی۔ ترکی نے حتمی اقدام کے طور پر اسرائیلی سفیر کو ملک بدر کرتے ہوئے اسرائیل کے ساتھ فوجی معاہدوں کو بھی معطل کردیا ہے۔