بیجنگ: چین نے یورپی یونین کی جانب سے ایران پر تیل برآمد کرنے کی پابندیوں پر سخت تنقید کی ہے۔ ذرائع ابلاغ کے مطابق یورپی یونین کی جانب سے ایران پر تیل برآمد کرنے کی پابندیوں کے جواب میں چینی وارت خارجہ کی طرف سے جاری کردہ ایک بیان میں کہا گیا ہے کہ دباؤ اور پابندیاں لگانے سے مسائل کا حل تلاش کرنا کوئی مثبت سوچ نہیں ہے۔ انہوں نے امید ظاہر کی کہ خطے میں امن اور استحکام کیلئے متعلقہ فریق صبر اور تحمل کا مظاہرہ کریں گے۔ یورپی یونین نے گزشتہ روز امریکہ کے ساتھ ایران کے ایٹمی سرگرمیوں کو نشانہ بنانے کیلئے ایران پر تیل برآمد کرنے کی پابندیوں کے ساتھ ساتھ دیگر معاشی پابندیاں بھی لگائی ہیں۔ واضح رہے کہ چین ایران سے سب سے زیادہ تیل برآمد کرنے والا ملک ہے۔