UrduReporter Daily World News in Urdu, اردونیوز , اردوخبریں

وزیراعظم کی دفاعی کمیٹی کو نیٹو سپلائی کھولنے کی تجویز

bukhari — Wed, 16 May 2012 05:57:11 +0000

اسلام آباد۔ وفاقی کابینہ کی دفاعی کمیٹی کے اجلاس میں وزیراعظم سید یوسف رضا گیلانی نے نیٹو سپلائی کھولنے کی تجویز دیدی ہے۔ اسلام آباد میں وزیراعظم یوسف رضا گیلانی کے زیر صدارت دفاعی کمیٹی کے اجلاس میں وزیر خارجہ حنا ربانی کھر، وزیر خزانہ حفیظ شیخ، وزیر اطلاعات و نشریات قمر زمان کائرہ اور وزیر دفاع احمد مختار نے شرکت کی۔ چیئرمین جوائنٹ چیفس آف سٹاف کمیٹی جنرل خالد شمیم وائیں، تینوں مسلح افواج کے سربراہان، ڈی جی آئی آئی ایس آئی اور ڈی جی آئی بی بھی اجلاس میں شریک تھے۔ اجلاس میں نیٹو سپلائی کھولنے یا نہ کھولنے کے حوالے سے تفصیلی تبادلہ خیالات کیا گیا۔ نجی ٹی وی کے مطابق کابینہ کی دفاعی کمیٹی کے اجلاس میں وزیر اعظم گیلانی نے نیٹو سپلائی کھولنے کی تجویز دیدی ہے۔ اجلاس سے خطاب میں وزیر اعظم کا کہنا تھا کہ نیٹو کے اڑتالیس ممالک کے ساتھ محاذ آرائی پاکستان کے مفاد میں نہیں ہے۔ واضع رہے کہ گزشتہ روز وزیراعظم گیلانی اور وزیر خارجہ حنا ربانی کھر نے اپنے بیانات میں کہا تھا کہ نیٹو سپلائی اڑتالیس ممالک سے تعلقات کا معاملہ ہے۔ اس لئے امریکا اور نیٹو سے تعلقات کا معاملہ مستقل بنیادوں پر حل کرنا چاہتے ہیں۔ ذرائع کے مطابق اجلاس میں فیصلہ کیا گیا ہے کہ نیٹو سپلائی کے ذریعے اسلحہ لے جانے کی کسی صورت اجازت نہیں ہوگی جبکہ ڈرون حملوں کے معاملے پر امریکہ سے بات چیت کیلئے کمیٹی قائم کرنے کا بھی فیصلہ کیا گیا ہے۔ کابینہ کی دفاع کمیٹی کے اجلاس کے بعد میڈیا سے گفتگو میں وفاقی وزیر اطلاعات و نشریات قمر زمان کائرہ کا کہنا تھا کہ اجلاس میں صدر مملکت آصف علی زرداری کے شکاگو کانفرنس میں شرکت کی توثیق کر دی گئی ہے۔ صدر مملکت زرداری شکاگو کانفرنس میں پاکستان کا مقدمہ لے کر جائیں گے۔ ان کا کہنا تھا کہ نیٹو سپلائی بحالی سے متعلق شرائط پر غور کیا جا رہا ہے۔

بالکل نا امید ہو چکا تھا، ڈاکٹر خلیل چشتی

bukhari — Wed, 16 May 2012 05:54:47 +0000

اسلام آباد۔ پاکستانی سائنسدان ڈاکٹر خلیل چشتی نے کہا ہے کہ پاکستان واپس آ کر بہت اچھا محسوس کر رہا ہوں۔ بھارت سے رہائی پانے والے ڈاکٹر چشتی 20 سال بعد وطن واپس لوٹنے کے بعد اسلام آباد ایئر پورٹ پر میڈیا سے گفتگو کرتے ہوئے ڈاکٹرخلیل چشتی کا کہنا تھا کہ میں تو نا امید ہو چکا تھا۔ اللہ کا شکر ہے کہ آج اپنے وطن واپس آ سکا۔ اللہ نے صدر زرداری کو وسیلہ بنایا اور مجھے اپنا وطن دکھایا۔ انہوں نے کہا کہ ہندوستان کے وزیر اعظم رحم دل آدمی ہیں۔ پاکستانیوں کی محبت دیکھ کر بہت خوشی ہوئی۔ رہائی پر صدر اور پوری قوم کا شکر گزار ہوں۔

بحرین 1971 تک ایران کا حصہ تھا۔

bukhari — Wed, 16 May 2012 05:51:04 +0000

منامہ۔ بحرین نے ایرانی مجلس شوری کے اسپیکر کی جانب سے بحرین کو ایرانی صوبہ قرار دینے پر شدید احتجاج کیا ہے۔ عرب ٹی وی کے مطابق منامہ میں بحرینی وزارت خارجہ نے ایرانی ناظم الامور کو طلب کر کے انہیں احتجاجی مراسلہ پیش کیا جس میں ایرانی مجلس شوری کے اسپیکر علی لاریجانی کی جانب سے بحرین کو ایران کا چودہواں صوبہ قرار دینے اور مجلس کے چند اراکین کی بحرین کی قیادت پر نکتہ چینی کو اسکی خودمختاری میں مداخلت قرار دیا گیا ہے۔ ایرانی اسپیکر اور اراکین مجلس شوری نے بحرین کے سعودی عرب کے ساتھ ممکنہ الحاق کو غیر قانونی قرار دیتے ہوئے دعوی کیا تھا کہ بحرین 1971 تک ایران کا حصہ تھا۔

نیٹو سپلائی بحالی پر غور کیلئے ایوان صدر میں اجلاس

bukhari — Tue, 15 May 2012 07:18:37 +0000

اسلام آباد۔ صدر زرداری اور وزیراعظم گیلانی کے زیر صدارت اعلی سطح کا اجلاس ہوا جس میں نیٹو سپلائی کی بحالی کے معاملے پر غور کیا گیا۔ ایوان صدر سے جاری بیان کے مطابق اجلاس میں وزیر خزانہ حفیظ شیخ، وزیر خارجہ حنا ربانی کھر، وزیر دفاع چودھری احمد مختار اور وزیر داخلہ رحمن ملک نے شرکت کی۔ اجلاس میں آرمی چیف جنرل اشفاق پرویز کیانیبھی شریک تھے۔ وزیراعظم یوسف رضا گیلانی کی اپنے دورہ برطانیہ اور پاک برطانیہ مذاکرات پر اجلاس کو بریفنگ دی۔ اجلاس میں نیٹو سپلائی بحالی کے معاملے پر بھی غور کیا گیا۔ ملاقات میں آئندہ مالی سال کے بجٹ اور تیاریوں، عوام کو درپیش مسائل کے ازالے کیلئے بھی تبادلہ خیال کیا گیا۔ صدر زرداری کا کہنا تھا کہ پیپلز پارٹی نے بڑی قربانیاں دیکر ملک میں جمہوریت کو بحال کیا ہے اور وہ ملک میں جمہوری نظام کو غیر مستحکم کرنے کی تمام سازشوں کو ناکام بنائینگے۔ ان کا کہنا تھا کہ پیپلز پارٹی عوام کو درپیش مسائل کے حل کیلئے ترجیحی بنیادوں پر اقدامات کرے گی تاکہ عوام کو زیادہ سے زیادہ ریلیف فراہم کیا جاسکے۔

پاک، افغان فوج کی تربیت کے معاہدے کی منظوری

bukhari — Tue, 15 May 2012 07:14:41 +0000

انقرہ: ترکی نے پاکستان اور افغانستان کے فوجیوں کی استنبول میں تربیتی مشقوں اور کورسز سے متعلق معاہدے کی منظوری دے دی۔ یہ سہ فریقی معاہدہ تینوں ممالک کے درمیان یکم نومبر کو 2011 میں ہوا تھا جس کی اب ترک پارلیمنٹ نے منظوری دے دی ہے۔ معاہدے کے آرٹیکل 1 کے مطابق اس کا مقصد تینوں ممالک کی افواج کے درمیان باہمی تعلقات اور تعاون کو فروغ دینا ہے۔ معاہدے کے تحت تینوں ممالک کئی شعبوں میں تعاون کیلئے کام کریں گے جن میں مشترکہ سپیشل فورسز مشقیں، انسداد دہشتگردی کورس، مشترکہ قدرتی آفات سے متعلق مشقیں، ملٹری ٹریننگ اور دیگر شعبے شامل ہیں۔ اس معاہدے پر یکم نومبر دو ہزار گیارہ کو تینوں ممالک کی افواج کے سربراہان نے دستخط کئے تھے۔ ترک صدر کے مطابق اس معاہدے سے پاکستان اور افغانستان میں درپیش دہشتگردی کے خطرات سے نمٹنے میں مدد ملے گی۔

ماں ، اولاد پر سب کچھ نچھاور کردينے والي ہستي

bukhari — Sun, 13 May 2012 06:27:53 +0000

راولپنڈي …ماں ايک ايسي ہستي کانام ہے، جواولاد پرسب کچھ نچھاورکرديتي ہے اوربدلے ميں اسے کچھ نہيں چاہئے. بچوں کي خوشي اوران کاسنہري مستقبل اس کا مقصد حيات ہے، اپنا مقصد پانے کيلئے ماں کيا کيا جتن نہيں کرتي. راولپنڈي سے راشدہ شعيب کي رپورٹ کے مطابق ماں کي آغوش بچے کوزندگي کي تمام راحتيں فراہم کرنے کے ساتھ زمانے کے سردوگرم سے بھي محفوظ رکھتي ہے. ايسي ہي ايک بچي تنزيلہ بھي ہے جو ماں کي آغوش ميں پلي بڑھي، اب وہ خودماں ہے.اس کي ننھي پري اس بات سے بے خبرہے کہ دھاگے کے کام کايہ ہنران کاخانداني ورثہ ہے. تنزيلہ نے بتايا کہ ہم دھاگے کا کام کرتے ہيں جو نظر کا باريک کام ہوتا ہے، پہلے ہماري ماں ہمارے لئے يہ کام کرتي تھي، اب ہم اپنے بچوں کيلئے يہ کام کرتے ہيں. تنزيلہ کا کہنا ہے کہ وہ خود روکھي سوکھي کھا کر بچوں کو زمانے بھر کي خوشياں دے گي اور يہي سوچ اسے ايک دستکاري مرکز لے آئي جہاں اس جيسي اوربھي مائيں موجودہيں.حالات کيسے بھي ہوں ماں کڑي دھوپ ميں گھني چھاوں کي مانند ہے. آج کي ماں پربچوں کي تربيت کے ساتھ معاشي سہارے کي ذمہ داري بھي آن پڑي ہے جو وہ بخوبي نبھا رہي ہے.

مانسہرہ: مسافر بس کھائی میں جاگری، 4 جاں بحق

bukhari — Sun, 13 May 2012 06:19:37 +0000

مانسہرہ: مانسہرہ میں مسافر بس گہری کھائی میں گرنے سے چار افراد جاں بحق اور بیس زخمی ہوگئے۔ تفصیلات کے مطابق لاہور سے بٹگرام جانیوالی مسافر بس گاندھیاں کے مقام پر تیز رفتاری کے باعث الٹ کر گہری کھائی میں جاگری جس کے نتیجہ میں چار مسافر جاں بحق اور بیس سے زائد زخمی ہوگئے۔ زخمیوں اور لاشوں کو گہری کھائی سے اہل علاقہ اور پولیس نے ریسکیو کارروائی کر کے نکالنے کے بعد کنگ شاہ عبداللہ ہسپتال منتقل کر دیا گیا جبکہ متعدد معمولی زخمیوں کو ابتدائی طبی امداد کے بعد ہسپتال میں فارغ کر دیا گیا۔

پشاور:پوليس اسٹيشن کے قريب دھماکا،پوليس اہلکار جاں بحق

bukhari — Sat, 12 May 2012 06:29:41 +0000

پشاور… پشاور ميں جي ٹي روڈ پر واقع گل بہار پوليس اسٹيشن کے قريب دھماکا ہوا ہے جس ميں پوليس موبائل کو نشانہ بنايا گيا. دھماکے سے پوليس موبائل ، دو گاڑيوں اور دو رکشوں کو نقصان پہنچا. ابتدائي اطلاعاعت کے مطابق دھماکے کے نتيجے ميں کم از کم ايک پوليس اہلکار جاں بحق اور 4پوليس اہلکاروں سميت 17افراد زخمي ہو ئے ہيں. زخميوں کو ليڈي ريڈنگ اسپتال منتقل کر ديا گيا ہے . معلوم ہوا ہے کہ دھماکا بظاہر ريموٹ کنٹرول سے کيا گيا جب پوليس کي گاڑي قيديوں کو لے کر وہاں سے گذر رہي تھي. دھماکے ميں قيدي محفوظ رہے تاہم پوليس اہلکار اس کي زد ميں آگئے. زخمي ہونے والوں ميں ايک خاتون بھي شامل ہيں.بم ڈسپوزل اسکواڈ کا کہنا ہے کہ دھماکے ميں 5کلو بارودي مواد استعمال کيا گيا. جائے وقوع پر مزيد تحقيقات جاري ہيں

روسی صدرکی جی ایٹ اجلاس میں شرکت سے معذرت

bukhari — Sat, 12 May 2012 06:24:22 +0000

ماسکو: روسی صدر ولادی میر پوٹن نے رواں ماہ ہونے والے جی ایٹ ممالک کے سربراہی اجلاس میں شرکت کرنے سے معذرت کر لی ہے۔ دنیا کے آٹھ امیر ترین ممالک کا یہ اجلاس رواں ماہ کی اٹھارہ اور انیس تاریخ کو امریکا میں منعقد ہوگا۔ روسی ذرائع ابلاغ کے مطابق روسی صدر ولادی میر پوٹن نے امریکی صدر باراک اوباما کو ٹیلیفون پر بتایا کہ کابینہ کی تشکیل کے حوالے سے وہ بہت زیادہ مصروف ہیں اور اس بناء پر وہ جی ایٹ سربراہی اجلاس میں شرکت نہیں کر سکیں گے۔ پوٹن کے بقول انہیں اس پر بہت افسوس ہے۔ امریکی صدر باراک اوباما کے مطابق وہ اپنے روسی ہم منصب کے اس فیصلے کو بخوبی سمجھ سکتے ہیں۔ پوٹن کی جانب سے اس اعلان کے ساتھ ہی سیاسی حلقوں میں چہ میگوئیاں شروع ہوگئی کہ نو منتخب روسی صدر جی ایٹ اجلاس میں شرکت سے معذرت کر کے امریکا کو کوئی پیغام دینا چاہتے ہیں۔ تاہم کریملن کے شعبہ معاشیات کے سربراہ نے ایسی تمام خبروں اور خدشات کو مسترد کرتے ہوئے کہا ہے کہ پوٹن کا مقصد کوئی پیغام دینا نہیں ہے بلکہ ان کے پاس کام کا انبار لگا ہوا ہے اور ملکی آئین کے مطابق حکومت سازی صدر کی ہی ذمہ داری ہے۔ جی ایٹ کانفرنس میں اب روسی وزیراعظم دیمیتری میدویدیف اپنے ملک کی نمائندگی کریں گے۔ کریملن کی ترجمان نتالی ٹیماکووا کے بقول میدویدیف کی شرکت اس امر کو واضح کرتی ہے کہ روس اپنی خارجہ پالیسی کو پہلے ہی کی طرح جاری رکھے ہوئے ہے اور وہ اپنے ساتھیوں کے ساتھ روابط کو مزید مستحکم کرنا چاہتا ہے۔ ساتھ ہی امریکی حکام نے جی ایٹ کانفرنس میں روسی وزیراعظم کی شرکت پر مسرت کا اظہار کیا ہے۔ کریملن نے تصدیق کرتے ہوئے بتایا کہ ولادی میر پوٹن میکسیکو میں جون میں ہونے والی جی 20 ممالک کی سربراہی کانفرنس میں یقینی طور پر شرکت کریں گے۔ مزید بتایا گیا ہے کہ امریکی صدر کے ساتھ میکسیکو میں ہی باہمی امور اور دیگر معاملات پر تبادلہ خیال کیا جائے گا۔ پوٹن نے ابھی اسی ہفتے کے اوائل میں روسی صدر کے طور پر حلف اٹھایا ہے۔ کیمپ ڈیوڈ میں ہونے والی جی ایٹ کانفرنس میں شرکت تیسری مرتبہ منصب صدارت پر فائز ہونے کے بعد ولادی میر پوٹن کا پہلا غیر ملکی دورہ ہوتا۔

کاش ججز ڈوگر سے حلف لینے سے قبل جبران کو پڑ ھتے: اعتزاز

bukhari — Fri, 11 May 2012 07:20:36 +0000

اسلام آباد: توہین عدالت کیس میں وزیراعظم کے وکیل بیرسٹر سینیٹر اعتزازاحسن نے کہا ہے کہ وزیراعظم کے خلاف ٹرائل شفاف نہیں ہوا کیس کے فیصلے سے جسٹس کھوسہ کی شاعری نکلی آزاد عدلیہ کی تحریک سے امید یں تھیں جو ابھی پوری نہیں ہوئیں تحریک کو انجام تک پہنچانا ہے ‘ ابھی کچھ حاصل نہیں ہوا کاش جبران کی مثالیں دینے والے جبران کو ڈوگر سے حلف لینے سے قبل پڑھ لیتے۔ نجی ٹی وی کو دئیے گئے انٹرویو میں اعتزازاحسن نے کہا کہ صدر آصف علی زرداری کے استثنیٰ کے بارے میں عدالت میں طویل بحث کی ہے ہمارا یہ موقف ہے کہ آصف زرداری جب صدر نہیں رہیں گے تب خط لکھا جائے گا کیونکہ استثنیٰ عہدے کو حاصل ہے۔ آصف زرداری کی ذات کو نہیں انہوں نے کہا کہ دنیا میں کسی بھی ملک نے اپنے صدر کو کسی غیر ملکی عدالت کے سپرد نہیں کیا صدر کے خلاف مقدمہ میرٹ پر ختم ہوا تھا۔ انہوں نے کہا کہ سوئس اٹارنی جنرل نے 2008 میں کہا تھا کہ سوئس کیس میں منی لانڈرنگ کو ثابت کرنا مشکل ہے انہو ں نے کہا کہ وزیراعظم کو اپیل کا حق ہے اور جب تک اپیل کا فیصلہ نہ ہو وہ وزیراعظم ہیں اور رہیں گے۔ وزیراعظم کے خلاف توہین عدالت کیس میں جج مقدمہ سننے کے اہل نہیں تھے۔ یہ فیئر ٹرائل کی نفی ہے۔ ہم نے جس چیف جسٹس کی بحالی کے لئے تحریک چلائی تھی۔ آج اس چیف جسٹس کے ساتھ ایسے جج بھی ہیں جنہوں نے مشرف کے ساتھ عبدالحمید ڈوگر سے حلف لے کر کمزوری کا مظاہرہ کیا کاش یہ جج ڈوگر سے حلف لینے سے پہلے بھی جبران کو پڑھ لیتے جس نے کہا تھا ان واعظوں کو خیر باد کہتا ہوں جو اپنے واعظ کے مطابق زندگی بسر نہیں کرتے جو لوگوں کو جو تلقین کرتے ہیں اس پر خود عمل نہیں کرتے انہوں نے کہا کہ آئیے ہم جبران کے فلسفے کو پڑھیں اور صرف یوسف رضا گیلانی پر تنقید کی بجائے اپنے گریبان میں بھی جھانکیں انہوں نے کہا کہ وزیراعظم کے خلاف مقدمہ فوجداری تھا جس میں انہیں سزا ہونا تھی اور شعرو شاعری کا کوئی جواز نہیں بنتا اور اس سے عدالت کی تضحیک ہوئی ہے انہوں نے کہا کہ پاکستان میں 2 ملزم ذوالفقار علی بھٹو شہید اور میاں نواز شریف سزا کے بعد ہیرو بنے اگر کسی ڈسٹرکٹ جج نے فوجداری مقدمہ میں شاعری کی ہوتی تو اس پر جانبداری کا الزام ضرور لگتا۔ اعتزاز احسن نے کہا کہ میں اپنی نظم پر آج بھی قائم ہوں اور کہتا ہوں ہم نے جس مقصد کے لئے عدلیہ کی آزادی کی جنگ لڑی تھی وہ کام ابھی پورا نہیں ہوا عدلیہ سے بھی ہماری توقعات تھیں اور آج بھی افتخار محمد چوہدری کے علاوہ اس تحریک سے کچھ حاصل نہیں ہوا